Ýene hüjümçi gerek: Spalletti Kolo Muani üçin kömekçi gözleýär

Football Italia habaryna görä, «Ýuwentus» ýanwar aýy üçin täze merkezi hüjümçi gözleýär, sebäbi Kolo Muani A seriýasynda esasy düzümde alty duşuşykda bary-ýogy bir pökgi geçirdi.

Merkezi hüjümçi meselesi Spallettini Turine gelen gününden bäri biynjalyk edýär. Wlahowiç şertnamasy gutaransoň mugt gitdi. Dewid bilen Openda bir möwsümden soň kärendä iberildi. Tomusda bolsa Kolo Muani, Ekhator we Woltemade geldi.

Emma Ekhator şikesler sebäpli entek resmi duşuşykda oýnamady. Woltemade bolsa adaty «dokuzynjy» däl. Şeýlelikde ähli agram Kolo Muaniniň üstüne düşdi. Ol bu möwsümde A seriýasyndaky ilkinji pökgüsini diňe oktýabrda geçirdi: «Kalýari» bilen 1:1 deňme-deň gutaran duşuşykda kellesi bilen hasaby deňledi.

Tuttosport-yň maglumatyna görä, gözleg eýýäm başlandy. Spalletti iki hüjümçili 4-4-2 shemasy barada hem pikirlenýär. Gyşda bolsa Kenan Ýyldyz şikesden soň meýdana dolanmaly.

Bilýärsiňizmi? 2024-25 möwsüminiň ikinji ýarymynda PSŽ-den kärendä gelen Kolo Muani A seriýasynda 16 duşuşykda 8 pökgi geçiripdi.

Çeşmeler: football-italia.net