Ýamal we Holand «Altyn topuň» yzynda: 20 mln görlen AI-wideo

Lamin Ýamal, Harri Keýn we Erling Holand «Altyn topy» ogurlan adamy kowalaýan emeli aň wideosy 20 milliondan gowrak gezek görüldi.

Sports.ru habaryna görä, The Blue Horizon taslamasynyň gysga filmi 12-nji oktýabrda çykdy we derrew sosial ulgamlarda ýaýrady.

Wakanyň mazmuny: «Altyn top» dabaranyň dowamynda ogurlanýar! Ýamal, Keýn, Usman Dembele, Holand we beýleki ýyldyzlar ogrynyň yzyndan kowup ugraýarlar.

Iň gülkünç ýerleri jikme-jikliklerde. Winisius Žuniory ikizi hasaplap, dabara goýbermeýärler, Rodri bolsa kowgyna goşulmaga-da ýetişmän, şol bada şikes alýar.

Janköýerler wideonyň hilini Nike we Adidas-yň meşhur mahabatlary bilen deňeýärler. YouTube-daky bir tomaşaçy: «Munuň neýroset bilen ýasalandygyna henizem ynanyp bilemok» diýip ýazdy.

Siziňçe, ogrynyň yzyndan kim ýetmelidi?

Bilýärsiňizmi? Ogurlyk Didýe Drogbanyň ýeňijiniň adyny yglan etjek pursadyndan sähel öň bolýar.

Çeşmeler: sports.ru