Wenger Infantino garşy? Ýewropa FIFA-nyň başlygyna rakip gözleýär

BBC Sport habaryna görä, Ýewropa futbolynyň täsirli şahslary 76 ýaşly Arsen Wengeriň FIFA-nyň prezident saýlawynda Janni Infantino garşy çykmagyny isleýärler.

Iň gyzykly ýeri şu: Wenger 2019-njy ýyldan bäri FIFA-da dünýä boýunça futboly ösdürmek işine ýolbaşçylyk edýär. Ýagny ol öz başlygyna garşy çykmaly bolar. Çarşenbe güni ol Infantino bilen Sýurihde agşamlyk naharyny iýdi. BBC-niň soragyna bolsa jogap bermedi.

Goldawçylary hem bar. Ýewropada ony Aziýada we Afrikada-da hormatlaýandyklaryny aýdýarlar. Emma käbirleri onuň özüni bu wezipä belläne adama garşy çykjagyna ynanmaýar. The Guardian bolsa Wenger baradaky çaklamalaryň ret edilendigini ýazýar.

Möhlet 18-nji noýabr, azyndan bäş federasiýa ony dalaşgär hökmünde hödürlemeli. Häzirlikçe dalaşgärligini diňe «Tottenhemiň» öňki goragçysy Ramon Wega yglan etdi.

Bilýärsiňizmi? Wenger ýakynda Kabo-Werdede: «Biz bir Afrika toparynyň dünýä çempionatynda ýeňiş gazanmagyny görmek isleýäris» diýdi.

Çeşmeler: bbc.co.uk; theguardian.com