Ukrainanyň öňki ýarymgoragçysy Roman Maksimýuk heläk boldy

Ukrainanyň ýygyndysynda 5 duşuşyk geçiren Roman Maksimýuk uruşda heläk boldy. Ol 20 aý bäri habarsyz ýitirim hasaplanýardy.

Mirror habaryna görä, onuň ölümini DNK barlagy tassyklady. DNK nusgasyny ozal gyzy Dariýa tabşyrypdy.

Maksimýuk 1998–2002-nji ýyllarda ýygyndyda oýnady. Klub derejesinde «Dinamo Kiýew», «Dnipro», «Wolyn», «Çernomorets» we «Prikarpatiýa» toparlarynda çykyş etdi. Ol 2011-nji ýylda futboly taşlady, 2022-nji ýylda bolsa Ukrainanyň Ýaragly Güýçlerine goşuldy.

Ol ýitirim bolanda 50 ýaşyndady. Şonda Donesk sebitiniň Pokrowsk ugrunda gabawdan çykmaga synanyşýardy. Iň soňky gezek aýaly Wera bilen gürleşdi we uzak wagtlap habar berip bilmejekdigini duýdurdy.

2025-nji ýylyň 7-nji iýunynda Ukrainanyň ýygyndysy Kanada bilen ýoldaşlyk duşuşygyna onuň eşigini we harby penjegini alyp çykdy. Şeýdip, ony ýatlady.

Bilýärsiňizmi? Maksimýuk klubda iň köp duşuşygy «Dnipro» üçin geçirdi, jemi 85 duşuşyk.

Çeşmeler: mirror.co.uk