Tribunada uçar: «Strasburg» janköýerleri A340 bilen goraýar

Football365 habaryna görä, Strasburgdaky «Stad de la Meno» stadionynyň täzelenen Günorta tribunasynda janköýerleri gün şöhlesinden hyzmatdan çykarylan Airbus A340 uçarlarynyň fýuzelýaž böleklerinden ýasalan paneller goraýar.

Populous kompaniýasynyň arhitektorlary golaýda uçarlaryň hyzmatdan çykarylýandygyny bilip, olaryň fýuzelýaž böleklerini kölege paneli hökmünde synagdan geçirdiler — netije üstünlikli boldy. Tribunada gün panellerini we ýagyş suwuny gaýtadan ulanmagy hem meýilleşdirýärler. «London Stadium»-yň üçegindäki gün panelleri bolsa eýýäm bir million kWt·sagatdan gowrak tok öndürdi.

Bilýärsiňizmi? Iýun aýynda «London Stadium»-yň gün panelleri stadionyň sarp edýän elektrik energiýasynyň 21 göterimine deň tok berdi.

Çeşmeler: football365.com