Ten Hag – Ronaldo: «Ol topary-da, meni-de umytsyz goýdy»

Erik ten Hag The Athletic neşirine beren interwýusynda Kriştianu Ronaldo «Mançester Ýunaýtedde» duşuşyklara gowy taýýarlanmady we topary umytsyz goýdy diýdi, Pirs Morgan bolsa muny ýalan diýip atlandyrdy.

Gollandiýaly tälimçi Ronaldo pökgi bilen hem, pökgüsiz hem ylgamady diýýär. Ten Hagyň pikiriçe, munuň sebäbi hüjümçiniň özüni gowy taýýarlamanlygy. Ol Ronaldonyň türgenleşiklerde ýoldaşlaryna «aýaklaryňyzy aýap saklaň» diýip maslahat berendigini hem ýatlady.

«Real Madridden» gelen üçlük – Ronaldo, Varan we Kazemiro – hem tankytdan çetde galmady. Tälimçiniň sözlerine görä, beýle oýunçylar hemme zady özleri çözmek isleýärler, bu bolsa şol döwürdäki «Ýunaýtede» laýyk gelmedi.

Jogap köp garaşdyrmady. Ronaldo bilen ýakyn gatnaşykdaky Pirs Morgan X-de şeýle ýazdy: «Bu hakykaty ýigrenji derejede ýoýmak».

Siz kime ynanýarsyňyz – ten Haga ýa-da Ronalda?

Bilýärsiňizmi? «Ýunaýtedden» gidenden soň Ronaldo «Al-Nasr» üçin 157 duşuşykda 134 pökgi geçirdi, 1000 pökgä ýetmek üçin bolsa oňa 19 pökgi galdy.

Çeşmeler: football365.com; mirror.co.uk