Tebas «Real Madrid TV»-ni Gebbelse meňzetdi: ötünç talap edilýär

Ispaniýanyň Milli sport geňeşiniň (CSD) başlygy Hose Manuel Rodriges Uribes La Liganyň prezidenti Hawýer Tebasy «Real Madrid TV»-ni Ýozef Gebbelsiň propagandasyna meňzedeni üçin ötünç soramaga çagyrdy.

Sports.ru habaryna görä, Tebasyň sözlerinden soň «Real Madrid» onuň işden çekilmegini talap etdi we Negreýra işini ýatlatdy.

Indi bu jedele hökümet derejesindäki ýolbaşçy hem goşuldy. «Nasistleri ýa-da Gebbelsi deňeşdirme hökmünde ulanmak bolmaz, aýratynam La Liganyň prezidenti bolup, şol ýaryşda oýnaýan klub barada gürleýän bolsaň» diýdi Uribes. Onuň pikiriçe, beýle sözler söz azatlygynyň çäginden çykýar. Ýöne düzgün-nyzam çäresi gerekmi ýa-da ýok, muny çözmek onuň işi däl diýdi.

Tebas bolsa yza çekilmeýär: «Men faktlar barada jedelleşmegi teklip etdim. Olaryň gaharlanmagy we işden çekilmegimi talap etmegi soraglaryma jogap bermeýär».

Tebas ötünç soramalymy? Pikiriňizi ýazyň!

Bilýärsiňizmi? Uribesiň sözlerini The Athletic Eurosport-a salgylanyp ýaýratdy.

Çeşmeler: sports.ru