«Täze Berbatow» we «Interi» ýeňen hat-trik: «Arsenalyň» nyşanalary

CaughtOffside habaryna görä, «Arsenal» «Aýntrahtyň» ýyldyzy Jan Uzun we «Brýuggäniň» hüjümçisi Nikolo Tresoldi üçin jemi 110 million ýewro töweregi bolan iki geleşigiň üstünde işleýär.

Jan Uzun 20 ýaşly türk oýunçysy. Owadan we nepis oýny üçin ony Dimitar Berbatow bilen deňeşdirýärler. Şu möwsümde ol 6 duşuşykda 4 pökgi geçirdi we 3 netijeli pas berdi, esasan çep ganatda oýnady. Tomusda «Aýntraht» ony 40 million ýewro satmaga razydy, indi bolsa 60 million ýewrolyk şertnama bahasynyň doly tölenmegini talap edýär. Uzun bilen «Aston Willa», «Braýton», «Everton», Dortmundyň «Borussiýasy» we «Milan» hem gyzyklanýar.

22 ýaşly Tresoldi 13 duşuşykda 9 pökgi geçirdi. Olaryň üçüsi Çempionlar ligasynda «Brýugge» «Interi» myhmançylykda 4:3 hasabynda ýeňen duşuşykda boldy. Belgiýa kluby ol üçin 42 million funt sterling soraýar. Bu Belgiýa klubunyň iň uly satuwy bolardy. Emma «Brýugge» ony gyşda goýbermek islemeýär, şonuň üçin gepleşikler indiki tomsa çenli yza süýşmegi mümkin.

Bilýärsiňizmi? Iki oýunçynyň ikisiniňem bähbitlerini şol bir agentlik, 11WINS goraýar we «Arsenal» eýýäm onuň bilen habarlaşdy.

Çeşmeler: football365.com