«Siti» – PSŽ: bir günä, iki dürli ýol

The Guardian habaryna görä, PSŽ çarşenbe güni Çempionlar ligasynda «Mançester Siti» bilen duşuşar we bu duşuşyk bir zady ýatladýar: 2014-nji ýylda iki klub hem UEFA-nyň maliýe düzgünlerini bozupdy, ýöne häzir Al-Hulaýfi ulgamyň içinde, «Siti» bolsa oňa garşy göreşýär.

2011–2013-nji ýyllarda klublara 45 mln ýewro zyýan rugsat berlipdi. Şol döwürde PSŽ-niň zyýany 218 mln, «Sitiniňki» bolsa 188 mln ýewro boldy. Iki klub hem ylalaşyk baglaşdy we her birine 20 mln ýewro jerime salyndy.

Soňra Der Spiegel bu ýumşak şertleri taýýarlamaga şol wagt UEFA-nyň baş sekretary bolan Infantinonyň kömek edendigini ýazdy. Habarlara görä, UEFA-nyň derňew palatasynyň ýolbaşçysy Braýan Kuinn ylalaşyklary aşa ýumşak hasaplap, işden çekilipdi.

Indi ýollar aýryldy. Al-Hulaýfi Ýewropa futbol klublary guramasyna (EFC) ýolbaşçylyk edýär. Bu gurama UEFA bilen bilelikde Çempionlar ligasynyň täjirçilik kompaniýasynyň paýdary. «Siti» bolsa Premýer-liganyň garaşsyz komissiýasynyň çykaran günäkär hökümine şikaýat edýär.

Bilýärsiňizmi? Der Spiegel çap eden 2014-nji ýylyň 2-nji maýyndaky hatynda Infantino «Sitiniň» başlygy Haldun al-Mubaraga şeýle ýazypdyr: «Käwagt has „berk“ ýaly „görünýän“ sözleri saýlandygymy görersiňiz».

Çeşmeler: theguardian.com