«Sirk çadyry» ýatyrylarmy? MU täze stadion üçin janköýerlere ýüzlendi

«Mançester Ýunaýted» 2 milliard funt sterlinge düşjek täze stadiony barada janköýerleriň pikirini soraýar, bu bolsa «sirk çadyryna» meňzedilen dizaýnyň entek gutarnykly däldigini görkezýär.

Daily Mail habaryna görä, janköýerlere sorag-jogaba gatnaşmak üçin iki hepde wagt berildi. Olar atmosfera, klubuň mirasy we stadiona barmak ýaly meseleler boýunça pikirlerini aýdyp bilerler.

2024-nji ýylyň sentýabrynda geçirilen sorag-jogapda 50 000 janköýeriň 52 göterimi 100 000 orunlyk täze stadionyň tarapyny tutupdy. Soňra Foster + Partners geljegiň stadionynyň dizaýnyny görkezdi, ýöne köpler ony sirk çadyryna meňzetdi.

Klubuň täze stadion boýunça ýolbaşçysy Kollett Roş iýul aýynda bu dizaýnyň üýtgedilip bilinjekdigini aýdypdy. Indi ol: «Ilkinji nobatda bu olar üçin gurulýan futbol stadionydyr» diýýär.

Bilýärsiňizmi? Taslamanyň 15 000 täze jaý berjekdigi we diňe ýerli derejede 48 000 iş orny döretjekdigi garaşylýar.

Çeşmeler: dailymail.com