Rekordçydan krizise: Bruno Fernandese näme boldy?

Geçen möwsümde 21 netijeli pas bilen rekord goýan Bruno Fernandes indi kynçylyk çekýär, "Mançester Ýunaýted" bolsa alty duşuşykda bary-ýogy 6 utuk toplap, soňky 40 ýylyň iň erbet başlangyjyny etdi.

Bary-ýogy ýedi hepde öň Fernandes PFA-nyň ýylyň oýunçysy diýlip yglan edildi. Onuň 21 netijeli pasy Anri bilen De Braýnyň Premýer-ligada 23 ýyl duran rekordyny täzeledi. Indi ýagdaý başgaça.

Kapitan alty duşuşygyň her minudyny meýdançada geçirdi. Ýöne onuň üç pökgüsi we ýeke-täk netijeli pasy diňe "Ipswiçe" garşy oýunda boldy, bu bolsa toparyň häzirlikçe ýeke-täk ýeňşi. "Tottenheme" garşy duşuşykda ilkinji takyk pasyny bermek üçin oňa 23 minut gerek boldy!

BBC Sport munuň sebäplerini şikesli Seskonyň we "Inter Maýami" toparyna giden Kasemironyň ýoklugynda hem görýär. Tälimçi Maýkl Karrik welin öz kapitanyna ynanýar: «Ol bu klub üçin ajaýyp işler etdi we geljekde hem şeýle eder».

Indiki garşydaş — "Atletiko Madrid".

Bilýärsiňizmi? Geçen möwsümiň soňky 11 duşuşygynda "Ýunaýtediň" geçiren 21 pökgüsiniň 12-sini Fernandes ýa özi geçirdi, ýa-da oňa pas berdi.

Çeşmeler: bbc.co.uk