Ramos Madride gaýdyp gelermi? Bu gezek Real däl-de, Hetafe

40 ýaşly Serhio Ramos La Liga gaýdyp gelip, Madridiň Hetafe klubuna geçmegi mümkin.

Sergio Ramos ýene Madridde oýnap biler, ýöne bu gezek Real Madridde däl. BBC Sport habaryna görä, ispan neşiri Sport 40 ýaşly goragçynyň Hetafe geçmeginiň mümkindigini ýazýar.

Bu ädimi mümkin edýän esasy zat: Ramos häzir erkin oýunçy, ýagny hiç bir klub bilen şertnamasy ýok.

Real Madridiň we Ispaniýanyň ýygyndysynyň rowaýaty şol bir şäheriň kiçiräk klubunda oýnasa, Madridiň janköýerleri muňa biparh garap bilmez. Häzirlikçe bu diňe myş-myş, ýöne gaty sesli myş-myş.

Siz näme pikir edýärsiňiz: Ramos 40 ýaşynda La Liga gaýdyp gelmelimi?

Çeşmeler: bbc.co.uk