Ony Uinstenli tapypdy: «Çelsi» we «Galatasaraý» Aýariniň yzynda

FourFourTwo habaryna görä, «Çelsi» «Braýtonyň» şwed ýarymgoragçysy Ýasin Aýarini almak isleýär, emma bu ugurda oňa «Galatasaraý» bäsdeşlik edýär.

Iň gyzykly ýeri — bu gyzyklanmanyň aňyrsynda kimiň durýandygy. «Çelsiniň» sport direktory Pol Uinstenli 2022-nji ýylyň ahyryna çenli «Braýtonda» skautlyk bölümine ýolbaşçylyk edipdi we Aýariniň zehinini kluba ilkinji bolup görkezen hem şol. Indi ol şwed bilen «Stemford Bridžde» täzeden duşuşmak isleýär.

Pursat amatly: täze şertnama barada gepleşikler başa barmady, «Braýton» bolsa şertnamany 12 aý uzaltmak hukugyny entek ulanmady. Aýariniň şu möwsümde Premýer-ligada alty duşuşykda iki netijeli geçirimi bar.

Häzirlikçe «Çelsi» diňe yzarlaýar we ýanwar hem ondan soňky geçiş döwürlerine göz dikýär. Yzly-yzyna bäşinji çempionlygyny nazarlaýan «Galatasaraýdan» başga, Saud Arabystanynyň klublary hem gyzyklanýar.

Bilýärsiňizmi? Soňky ýyllarda «Çelsi» «Braýtondan» ondan gowrak oýunçyny we işgäri öz tarapyna çekdi — olaryň arasynda Moises Kaýsedo we Žoao Pedro hem bar.

Çeşmeler: fourfourtwo.com