«Ony almak gerek däl»: Barselonanyň skauty Messi barada

2000-nji ýylda Barselonanyň skautlarynyň biri Messiniň boýy 142 sm bolany üçin ony almazlygy maslahat beripdir. Muny France Football žurnalisti Floran Torşü akademiýanyň hasabatlaryny çap edip aýan etdi.

Sports.ru habaryna görä, hasabat üç sany bolupdyr we skautlaryň pikirleri bölünipdir. Birinji skaut onuň tehnikasyna, dribling ussatlygyna we oýny görşüne haýran galypdyr. Ýöne boýunyň gysgadygyny we garşydaşlarynyň fiziki taýdan has güýçlüdigini hem belläpdir.

Ikinji skaut has berk bolupdyr: göwresi näzik, bir ýylda hem iň köp 150 sm-e çenli ösermiş. Onuň pikiriçe, «ony almak gerek däl», iň gowy ýagdaýda iki ýyldan soň ýene seretmeli.

Üçünji skaut bolsa onda ýaş Maradonany görüpdir: «Men onuň bilen şertnama baglaşardym, onuň ösmäge uly mümkinçiligi bar».

Ahyrsoňy Barselona argentinaly oýunçyny aldy we ýalňyşmadyk bolsa gerek. Siz sanlara ynanardyňyzmy ýa-da gözüňize?

Bilýärsiňizmi? Ikinji skaut Messi bir ýylda hem iň köp 150 sm-e çenli öser diýip çaklapdyr.

Çeşmeler: sports.ru