«Messini unudyň»: European Aquatics-iň baştutany Ronaldony saýlady

Ýewropanyň suw sport görnüşleri federasiýasynyň (European Aquatics) prezidenti, portugaliýaly Antonio Silwa Kriştiano Ronaldonyň dünýäniň iň gowy futbolçysydygyny we Messini unutmalydygyny aýtdy.

Ronaldo bilen Messi baradaky gutarnyksyz jedele garaşylmadyk ýerden ses goşuldy. Bu gezek pikirini futbolçy ýa-da tälimçi däl, ýüzüş dünýäsinden bir adam aýtdy. Sports.ru habaryna görä, Silwadan ýüzüşde Ronaldo derejesindäki ýyldyzlaryň bardygyny soradylar. Ol bolsa ilki basseýn barada däl-de, futbol barada gürledi: «Futbol – sport däl. Bu din. Dünýäniň iň gowy futbolçysynyň Kriştiano Ronaldodygyna hiç hili şübhe ýok. Messini unudyň».

Ol öz sport görnüşine diňe şondan soň dolandy. Ýüzüşiň ýyldyzlaryny has işjeň tanatmalydygyny boýun aldy, sebäbi olaryň üsti bilen sportuň özi hem ösýär.

Şuny hem ýatlalyň: Silwa hem Kriştiano ýaly portugaliýaly. Siz kimiň tarapynda: Ronaldonyňmy ýa-da Messiniň?

Çeşmeler: sports.ru