Messi «Korintiansda»? Hakerler klubyň saýtyny döwdi

Hakerler Braziliýanyň «Korintians» klubunyň resmi saýtyna girip, Lionel Messiniň 2027-nji ýyl üçin esasy güýçlendirme hökmünde topara geçendigini «yglan etdiler».

Marca habaryna görä, hakerler hatda şertnamanyň maliýe shemasyny düzüp, Messiniň adyndan galp sözleri hem ýazypdyrlar. Klub pul we maglumat ýitgisiniň ýokdugyny aýtdy. Hüjümden birnäçe sagat öň «Korintians» «Mirassoly» 2:0 hasabynda ýeňdi, ýöne ligadan düşmek howpy bolan zolakda galdy. Siz şeýle habara ynanardyňyzmy?

Bilýärsiňizmi? Birnäçe gün öň hakerler klubyň taryhy bäsdeşi «Palmeýrasyň» saýtyna-da hüjüm edip, onuň dünýä çempiony adynyň ýokdugyny masgaralapdyrlar.

Çeşmeler: marca.com