«Mançester Ýunaýted» «Kristal Pelasyň» jübütine göz dikdi

TEAMtalk-yň Football365 arkaly beren habaryna görä, «Mançester Ýunaýted» ýanwar transfer penjiresinde «Kristal Pelasyň» iki oýunçysyny, Ismaila Sarry we Žan-Filipp Matetany, almagy göz öňünde tutýar.

Esasy şert netijeler bilen bagly. Ýylyň ahyryna çenli «MÝ»-nyň ýagdaýy erbet bolup galsa we gerekli oýunçylar elýeterli bolsa, klub birnäçe oýunçy almaga taýýar.

Sarr tomusda gitmäge golaý boldy: «Liwerpul» soňky pursatda teklip berdi, «Galatasaraý» hem gyzyklandy. Indi «Pelas» oňa gowulandyrylan şertnama hödürleýär. Şertler oýunçynyň tarapyny kanagatlandyrýar, emma ol gol çekmäge howlukmaýar. «Nýukasl» bilen «Sanderlend» hem ony yzarlaýar. Geçen möwsümde senegally oýunçy ähli ýaryşlarda 21 pökgi geçirdi we bu onuň karýerasynyň iň gowy görkezijisi boldy.

Mateta soňky üç möwsümde Premýer-ligada 42 pökgi geçirdi. Onuň şertnamasy möwsümiň ahyrynda tamamlanýar, şonuň üçin ol klub üçin gymmat düşmez.

Bilýärsiňizmi? Geçen gyşda Matetanyň «Milana» geçişi doly ylalaşylypdy, emma lukmançylyk barlagynda dyzy bilen bagly aladalar sebäpli geçiş amala aşmady.

Çeşmeler: football365.com