Keýn ýa-da Ýamal: «Altyn top» ilkinji gezek Londonda

«Altyn top» duşenbe güni ilkinji gezek Londonda gowşurylar, Garri Keýn bolsa 2001-nji ýyldan bäri bu baýragy alan ilkinji iňlis bolup biler.

Sky Sports habaryna görä, dabara 26-njy oktýabrda Londonyň «London Palladium» teatrynda geçer. Ýer tötänden saýlanmady: baýraga 70 ýyl dolýar, onuň ilkinji eýesi bolsa 1956-njy ýylda iňlis Stenli Metýus boldy.

Öý eýeleriniň esasy dalaşgäri Garri Keýn. «Bawariýanyň» hüjümçisi 2001-nji ýylda Maýkl Ouenden bäri «Altyn topy» alan ilkinji iňlis we taryhda diňe bäşinji iňlis bolup biler. Onuň esasy bäsdeşi «Barselonanyň» ýyldyzy Lamin Ýamal.

Göreşiň dartgynly boljakdygyna garaşylýar. Häzirki ses beriş ulgamynda iň az tapawut 7 utuk boldy: 2019-njy ýylda Messi wan Deýkden şonça öňe geçipdi.

Siz kimiň tarapynda: Keýn ýa-da Ýamal?

Bilýärsiňizmi? 2008-nji ýyldan 2017-nji ýyla çenli 10 ýyl yzly-yzyna «Altyn topy» diňe Messi bilen Ronaldo aldy.

Çeşmeler: skysports.com