Keýn Ronaldonyň yzynda: yzly-yzyna 9 duşuşykda pökgi

«Bawariýanyň» hüjümçisi Harri Keýn Çempionlar ligasynda yzly-yzyna dokuzynjy duşuşykda pökgi girizdi we indi Kriştianu Ronaldonyň 11 duşuşyklyk rekordyny kowalaýar.

UEFA.com habaryna görä, Keýn ligada 2-nji tapgyrda «Wiking» bilen oýnalan duşuşykda pökgi girizip, bu derejä ýeten dördünji oýunçy boldy. Ondan öň muny diňe Ronaldo, Rud wan Nistelroý we Robert Lewandowski başarypdy.

Ýöne Ronaldonyň rekordy has-da uly. Onuň 11 duşuşyklyk tapgyry 2017-nji ýylyň finalynda «Real Madridiň» «Ýuwentusy» 4:1 hasabynda ýeňen duşuşygynda girizen iki pökgüsinden başlandy. Soňra ol topar tapgyrynyň alty duşuşygynda hem, PSŽ we «Ýuwentus» bilen goşa duşuşyklarda hem pökgi girizdi. Bu 11 duşuşykda jemi 17 pökgi!

Keýne Ronaldo bilen deňleşmek üçin ýene iki duşuşyk gerek. Ol bu rekordy ýykyp bilermi?

Bilýärsiňizmi? Lewandowski yzly-yzyna 9 duşuşykda pökgi girizen tapgyry iki gezek gaýtalan ýeke-täk oýunçy.

Çeşmeler: uefa.com