Infantino basyş astynda: gizlin aýlyk we Trump Tower ofisi

FIFA-nyň prezidenti Janni Infantino 2024-nji ýylda 2026-njy ýylyň dünýä çempionatyny guran kompaniýadan takmynan 1,7 million dollar alypdyr, emma bu töleg FIFA-nyň ýyllyk hasabatynda görkezilmändir.

FIFA-nyň düzgünnamasy prezidentiň zähmet hakynyň köpçülige yglan edilmegini talap edýär. FIFA bolsa ähli talaplary berjaý edýändigini aýdýar. Gyzykly ýeri: şol kompaniýadan baş sekretar Mattias Grafstrem-de, onuň geňeşine ýolbaşçylyk eden Wiktor Montaliani-de goşmaça töleg almandyr.

Ikinji urgy Fransiýadan geldi. Marca-nyň ýazmagyna görä, Le Monde gazeti FIFA-nyň Nýu-Ýorkdaky Trump Tower binasynda 450 inedördül metrlik ofis üçin ýedi ýyl ýedi aýda takmynan 3,57 million dollar tölemäge razy bolandygyny habar berdi. Ofisiň köp bölegi boş dur, binany bolsa Erik Trumpyň kompaniýasy dolandyrýar.

UEFA goldawyny yzyna alsa-da, Infantino wezipesinden gitmeýär we 2027-nji ýylyň mart aýyndaky saýlawa gatnaşjak.

Bilýärsiňizmi? Infantino 2016-njy ýyldan bäri iki gezek garşydaşsyz gaýtadan saýlandy.

Çeşmeler: skysports.com; matchtv.ru; marca.com