«Ikinji aýlyk ýokdy»: The Times Infantinodan ötünç sorady

Marca habaryna görä, Britaniýanyň The Times gazeti FIFA-nyň prezidenti Janni Infantino barada 13-nji oktýabrda çap eden «ikinji aýlyk» habarynyň ýalňyşdygyny boýun alyp, ondan we FIFA-dan ötünç sorady.

Gazet düzedişinde muny açyk ýazdy: «Bu nädogry. Ikinji aýlyk bolmandy». Infantinonyň alýan çykdajy öwezini dolmalary Şweýsariýanyň düzgünlerine görä aýlyk hasaplanmaýar, şonuň üçin FIFA olary ýyllyk hasabatynda aýlyk hökmünde görkezmäge borçly däl.

The Times Maýamidäki emläk baradaky habaryny hem yzyna aldy: Infantino ony arzan bahadan satyn almandyr. Ne ol, ne-de onuň maşgalasy Shadi LLC kompaniýasynyň eýesi ýa-da peýdalanyjysy däl, ony dolandyrmaýarlar hem.

FIFA bolsa bu düzedişi öz goragy üçin ulandy: guramanyň pikiriçe, ony we prezidentini gowşatmak üçin «utgaşdyrylan we dowamly synanyşyk» bar. FIFA nädogry habarlara mundan beýläk hem «göni we berk» jogap berjekdigini aýtdy.

Bilýärsiňizmi? FIFA özüne garşy «utgaşdyrylan synanyşyk» barada eýýäm awgust aýynda hem aýdypdy.

Çeşmeler: marca.com