Her federasiýa 10 mln: UEFA Infantinonyň meýilnamasyna garşy

UEFA bilen KONKAKAF Janni Infantino hat ýazyp, FIFA-nyň dünýä çempionatynyň hukuklaryny satman hem agzalaryna 2 mlrd dollardan gowrak paýlap biljekdigini, ýagny 211 milli assosiasiýanyň her birine 10 mln dollar berip biljekdigini aýtdy.

The Times habaryna görä, bu hatyň sebäbi Infantinonyň Fifa Forward Enterprise atly täze gurluş döretmek meýilnamasy. Bu gurluş dünýä çempionatynyň we beýleki ýaryşlaryň hukuklarynyň 20%-ini satmalydy. FIFA-nyň prezidenti federasiýalara goşmaça pul wada beripdi, ýöne diňe olar bu meýilnamany goldasa.

Aleksander Çeferin bilen Wiktor Montalýani başgaça pikir edýär: tölegler edilenden soň hem FIFA-nyň ätiýaçlygynda 2,6 mlrd dollar galar. Olar mundan başga-da alty konfederasiýanyň her birine 36 mln, her sebit birleşigine bolsa 3 mln dollar bermegi teklip edýär.

Hatyň nusgasy şu hepde Sýurihde ýygnanýan FIFA Geňeşiniň ähli agzalaryna iberildi. Olaryň köpüsi bu meýilnama barada özleri bilen näme üçin maslahatlaşylmandygyny düşündirmegi eýýäm talap edýär.

Bilýärsiňizmi? Hatda teklip edilýän 2,3 mlrd dollarlyk ätiýaçlyk FIFA-nyň takmynan bir ýyllyk meýilleşdirilen çykdajysyna deňdir.

Çeşmeler: sports.ru