Hawerts Keýn hakda: «Görenlerimiň iň gowularyndan biri»

Çempionlar ligasynda «Arsenal» – «Bawariýa» duşuşygynyň öňüsyrasynda Kai Hawerts Garri Keýni ömründe gören iň gowy hüjümçileriniň biri diýip atlandyrdy we ondan görelde alýandygyny aýtdy.

Hawerts häzir «Arsenalyň» esasy hüjümçisi: möwsümiň 11 duşuşygynyň sekizisinde esasy düzümde çykdy, ýöne bary-ýogy üç pökgi geçirdi. Keýniň sanlary bolsa düýbünden başga: «Bawariýada» 157 duşuşykda 155 pökgi.

«Ol, belki, hakyky dokuzynjy belgi däldir, ýöne onuň sanlary, netijeli geçirmeleri we topara nähili kömek edýäni haýran galdyryjy» diýip, nemes oýunçy aýtdy.

Düzümdäki bäsdeşi Wiktor Dýokereş bu möwsüm entek ne pökgi geçirdi, ne-de netijeli geçirme etdi. Emma Hawertsiň aýtmagyna görä, olar dost, hatda bile padel oýnaýarlar. Haýsysy güýçli? «Onuň güýji köp, ýöne meniň tehnikam gowy!»

Bilýärsiňizmi? Hawerts tutuş karýerasynda Keýniň diňe «Bawariýa» geçeninden bäri geçiren pökgülerinden azrak pökgi geçirdi.

Çeşmeler: football365.com