«Goňşy bolarys»: Holand Abu-Dabide «Siti» taslamasyndan jaý aldy

Erling Holand Abu-Dabide «Mançester Siti» bilen bilelikde gurulýan Ohana ýaşaýyş toplumyndan jaý satyn alandygyny tassyklady.

Mirror habaryna görä, Holand bu habary BAE-däki «Etihad Arena»-da geçirilen çärede görkezilen wideoda yglan etdi: «Abu-Dabide goňşy bolarys… Men ýaňy jaý aldym, kakam hem aldy». Çärä aýratyn myhman hökmünde gelen kakasy Alfi Holand sahna çykdy, soňra oňa «Siti»-niň öňki tälimçisi Pep Gwardiola goşuldy.

Toplumda «Siti»-niň türgenleşik akademiýasy, klub kafesi we öz kenarýakasy bolar. Bahalar 770 müň funt sterlingden başlap, 7,25 million funtdan hem geçýär.

Ýöne şatlyk üçin wagt aňsat däl: garaşsyz topar «Siti»-ni 114 aýyplama boýunça günäkär tapdy. Klub bu karara şikaýat edýär.

Bilýärsiňizmi? Toplumdan jaý alan her bir adama BAE-niň 10 ýyllyk wizasy berilýär.

Çeşmeler: mirror.co.uk