Fergýusona pissa zyňan Fabregas «Mançester Ýunaýted»-e garşy

Sesk Fabregasyň «Komo» topary çarşenbe güni Çempionlar ligasynda «Mançester Ýunaýted» bilen duşuşar: 2004-nji ýylda Fabregas bu klubuň tälimçisine bir bölek pissa zyňypdy.

2004-nji ýylyň oktýabry, «Old Trafford». «Mançester Ýunaýted» jedelli penaltiden soň ýeňdi we «Arsenalyň» 49 oýunlyk ýeňilmezlik tapgyryny kesdi. Duşuşykdan soň dawa turdy we kimdir biri ser Aleks Fergýusona pissa bilen degdi.

On ýyldan gowrak wagtlap pissany kimiň zyňandygy syr bolup galdy. Diňe 2018-nji ýylda Fabregas boýun aldy. Şonda heniz ýetginjek bolan oýunçy bütin duşuşygy ätiýaçda geçiripdi, aç hem gaharlydy. Ol bir bölek pissa alyp, ony itişýänleriň arasyna zyňypdyr. Öz sözlerine görä, dawa goşulmaga batyrlygy ýetmändir.

Mirror habaryna görä, soňra Sesk Fergýusondan ýüzbe-ýüz ötünç sorapdyr. «Men ýaşdym. Indi pissa zyňmazdym, gönüden-göni dawa goşulardym!» diýýär ol.

Bilýärsiňizmi? «Pissageýt»-den iki aý öň Fabregas Angliýanyň Superkubogynda «Mançester Ýunaýted»-e garşy oýnapdy, emma şol çempionat duşuşygynda meýdana çykmady.

Çeşmeler: mirror.co.uk