Dördünji gezek yzly-yzyna: «Arkadag» möhletinden öň çempion

«Arkadag» «Ahaly» 4:0 hasabynda ýeňip, çempionatyň gutarmagyna bäş tapgyr galanda yzly-yzyna dördünji gezek Türkmenistanyň çempiony boldy.

turkmenistan.gov.tm habaryna görä, 23-nji tapgyryň duşuşygy paýtagtyň «Aşgabat» stadionynda geçdi. Myhmanlar her ýarymda iki pökgi geçirdi. Gollary Mekan Saparow, Ahmet Ataýew, Baýram Ataýew we Rahman Myratberdiýew geçirdi.

Iň täsin zat şu: 2023-nji ýylda döredilen topar şondan bäri milli çempionatyň resmi duşuşyklarynda bir utuk hem ýitirmändir! Topara 46 ýaşly tälimçi Wladimir Baýramow ýolbaşçylyk edýär.

Bombardirleriň sanawynda «Arkadagyň» hüjümçisi Didar Durdyýew 22 pökgi bilen öňde barýar. Ondan soňky orunda durýan «Ahalyň» oýunçysy Süleýman Mirzoýewiň bolsa 10 pökgüsi bar. Kümüş we bürünç medallary «Ahal» bilen «Altyn Asyr» galan duşuşyklarda öz aralarynda paýlaşar.

Bilýärsiňizmi? Tälimçi Wladimir Baýramow oýunçy wagtynda Grozny şäheriniň «Terek» topary bilen 2003/04 möwsüminde Russiýanyň kubogyny gazanypdy.

Çeşmeler: turkmenistan.gov.tm