Dele Alli Salforda çagyryldy, emma jogap bermedi

Salford Sitiniň öňki tälimçisi Karl Robinson bir ýyldan bäri klubsyz ýören Dele Allini League Two toparyna çagyrandygyny, emma jogap almandygyny aýtdy.

Mirror habaryna görä, Robinson Dele bilen iýun aýynda sport zalynda duşuşypdyr we ony Salforda gelmäge çagyrypdyr. «Men oňa 100 göterim mümkinçilik bererdim» diýip, öňki tälimçi podkastda gürrüň berdi. Ýöne Dele bu teklibe jogap bermändir.

Bir wagtlar Tottenhemiň ýyldyzy bolan, Angliýanyň ýygyndysynda 37 duşuşyk oýnan oýunçynyň soňky synanyşygy hem başa barmady. Ol Komo bilen 18 aýlyk şertnama baglaşdy, ýöne diňe bir duşuşykda meýdana çykdy: Milana garşy ýeňlen oýunda Ruben Lofts-Çige howply hereketi üçin 10-njy minutda gyzyl kartoçka aldy.

«Onuň näme üçin oýnamaýandygyna düşünemok» diýip, Robinson aýdýar.

Bilýärsiňizmi? Bir wagtlar ser Aleks Ferguson Mourinýonyň Mançester Ýunaýtede almaly oýunçysy hökmünde Dele Allini görkezipdi.

Çeşmeler: mirror.co.uk