Bir post – 49 teklip: Kolker LinkedIn-de ykbalyny synady

Mirror habaryna görä, öňki «Liwerpul» we «Tottenhem» goragçysy Stiwen Kolker LinkedIn-de işsizligi barada ýazandan soň, iki günüň içinde 49 teklip aldy.

Kolker 34 ýaşynda. Ol 2025-nji ýylda oýnamagyny bes etdi: 16 ýyllyk karýerasynda 400-den gowrak duşuşyk geçirdi, Angliýanyň we Sýerra-Leonenyň ýygyndysynda çykyş etdi. Fewral aýynda türk «Konyaspor» klubunda tälimçiniň kömekçisi boldy, emma sentýabrda bu wezipeden gitdi.

Ýekşenbe güni ol işsiz galmagyň stresli bolýandygyny açyk ýazdy we Uolt Disneýiň 300 gezekden gowrak ret edilendigini ýatlatdy. 48 sagatdan soň oňa 30-dan gowrak podkast çakylygy, biznese maýa goýmak üçin 12 teklip, 4 çärä çakylyk we dürli pudaklardan 3 iş teklibi geldi.

Kolkeriň arzuwy – Premýer-ligada baş tälimçi bolmak. Onuň UEFA A ygtyýarnamasy bar, indi Pro ygtyýarnamasyny almaga çalyşýar. Ol şeýle ýazdy: «Bir post arzuwymdaky işi getirmez, yzygiderli dowam etmek we dogry iş etmek getirer».

Bilýärsiňizmi? Kolker şol bir wagtyň özünde Sky Sports, BBC, Channel 4 we talkSPORT üçin radio we telewideniýe bilermeni bolup işledi.

Çeşmeler: mirror.co.uk