Aziýa kubogy 2028-e süýşer? Ronaldunyň duşuşygy hem gijikdirildi

AFK-nyň prezidenti Saud Arabystanynda geçirilmeli 2027-nji ýylyň Aziýa kubogynyň husitleriň hüjümleri sebäpli bir ýyl yza, 2028-nji ýyla süýşürilip bilinjekdigini aýtdy.

Ýaryş 7-nji ýanwarda Jidde, Er-Riýad we Al-Hobar şäherlerinde başlamaly, emma soňky günlerde Saud Arabystany husitleriň yzygiderli hüjümlerine sezewar boldy. AFK-nyň prezidenti şeýh Salman bin Ibrahim Al Halifa karar bermäge howlukmaýarlar: «Biz noýabryň ahyryna çenli garaşyp bileris». Onuň sözlerine görä, häzirlikçe hemme zat meýilnama boýunça barýar.

Ýöne howply alamatlar eýýäm bar. Al Jazeera habaryna görä, duşenbe güni Ronaldunyň «Al-Nasr» toparynyň Aziýa Çempionlar ligasyndaky duşuşygy Er-Riýada atylan raketa tutulandan soň bir sagat gijikdirildi. Bu hepde Saud Arabystanynyň içerki ýaryşlarynda üç duşuşyk yza süýşürildi.

Günorta Koreýanyň professional futbolçylar birleşiginiň başlygy Li Gyn Ho hiç bir ýaryşyň gymmatynyň oýunçylaryň we janköýerleriň janyndan we howpsuzlygyndan ýokary bolup bilmejekdigini aýtdy.

Siziň pikiriňizçe, ýaryşy süýşürmeli mi ýa-da garaşmaly?

Bilýärsiňizmi? Şol ýagdaý sebäpli Jokowiç we Alkaras gatnaşmaly «Six Kings Slam» tennis ýaryşy hem dekabryň ahyryna süýşürildi.

Çeşmeler: aljazeera.com; sport-express.ru