6:0! «Aston Villa» Ýewropada iň uly ýeňşini gazandy

«Aston Villa» Çempionlar ligasynda «Fenerbahçäni» 6:0 hasabynda ýeňdi we bu klubuň Ýewropa ýaryşlaryndaky iň uly ýeňşi boldy.

Şu wagta çenli «Aston Villa» bu möwsüm öz meýdançasynda ýeňip bilmändi. Demirgazyk tribuna täzeden gurmak üçin ýykyldy we duşuşyga 35 müňden az janköýer geldi. Emma tälimçi Unai Emeri munuň bahana edilmegine ýol bermedi: «Ideal däl, ýöne hiç haçan bahana däl». Topar hem oňa meýdançada jogap berdi.

Agşamyň gahrymany Nikolas Jekson boldy: ol arakesmä çenli sekiz minudyň içinde iki pökgi geçirdi. Bu hüjümçini «Çelsiden» 65 million funt sterlinge alandygy üçin «Villany» tankytlapdylar. Ýöne senegally hüjümçiniň eýýäm ähli ýaryşlarda bäş pökgüsi bar. Onuň ornuny tutan Olli Uotkins geçen möwsümde bu sana diňe 27-nji dekabrda ýetipdi.

Ross Barkli hem iki pökgi geçirdi, Ýohan Manzambi bolsa 21 ýaşyny pökgi bilen belledi.

Bilýärsiňizmi? Bu ýeňiş «Villanyň» Ýewropa ýaryşlarynda öz meýdançasynda yzly-yzyna 11-nji ýeňşi boldy.

Çeşmeler: dailymail.com; theguardian.com; skysports.com; bbc.co.uk