55 müň boş orun: «Ýunion» öý duşuşygyny Germaniýada oýnaýar

Mirror habaryna görä, belgiýaly «Ýunion Sen-Žilua» şu gün Ýewropa ligasynda Ysraýylyň «Hapoel Beer-Şewa» toparyny Düsseldorfda, 55 müňe golaý orunlyk boş stadionda kabul eder.

Topar adatça Brýusseldäki «Žozef Marien» stadionynda oýnaýar, emma ol UEFA-nyň talaplaryna laýyk gelmeýär. Şonuň üçin Ýewropa duşuşyklary goňşy Lýuwene geçirildi. Ýöne Lýuweniň häkimi Mohamed Ridwani bu duşuşygy «Den Dref» stadionynda geçirmegi gadagan etdi: «Howpsuzlygy kepillendirip bilmeýäris». Janköýerleri goýberjek başga meýdança tapylmady.

«Ýunionyň» tälimçisi Dawid Ýuber gynanýar: «Ýewropada dört öý duşuşygyny öz janköýerlerimiziň öňünde oýnamak üçin köp zähmet çekdik». Garşydaşlaryň tälimçisi Ran Kozuh hem şol pikirde: «Futbol janköýerler üçin we janköýerler tarapyndan döredildi».

Belgiýalylar entek ýeňilmedi: Pilzende «Wiktoriýany» ýeňdi we «Real Sosýedad» bilen deňme-deň oýnady.

Bilýärsiňizmi? «Ýunionyň» tälimçisi Dawid Ýuber bir wagtlar gysga wagtlyk «Hapoel Beer-Şewa» toparynda oýnapdyr.

Çeşmeler: mirror.co.uk