51 metrden pökgi: Gomes «Kristal Pelasy» meýdanyň ortasyndan urdy

«Braýtonyň» 23 ýaşly ýarymgoragçysy Diýego Gomes «Kristal Pelas» bilen duşuşykda meýdanyň ortasyndan, 51 metrden pökgi geçirdi we topary 5:0 hasabynda ýeňdi.

Duşuşygyň 7-nji minudynda paragwaýly oýunçy derwezeçi Walter Benitesiň öňe çykandygyny gördi we derrew urdy. Benites yzyna ylgap, özüni oklady, emma pökgi keseligiň aşagyndan girdi. Hasap 2:0 boldy.

BBC Sport habaryna görä, Premýer-ligada 2017-nji ýylyň noýabryndan bäri şeýle uzak aralykdan pökgi geçirilmändi. Şonda Ueýn Runi «Everton» üçin 58 metrden urupdy.

Kapitan Lewis Dank: «Ol klubda möwsümiň iň gowy pökgisi baýragyny menden aldy» diýip degişdi. Tälimçi Fabian Hýurtseler bolsa: «Biz 50 metrden urmagy türgenleşmeýäris» diýdi.

«Braýton» 7 duşuşykda 23 pökgi geçirdi. Bu lider «Mançester Sitiniňkiden» 4 sany köp.

Bilýärsiňizmi? Ýewropanyň bäş güýçli ligasynda diňe «Barselona» (9 duşuşykda 39 pökgi) «Braýtondan» köp pökgi geçirdi.

Çeşmeler: bbc.co.uk; skysports.com