11-nji orundan ÇL-a: «Borussiýa» Kowaç bilen 2029-njy ýyla çenli

Dortmundyň «Borussiýasy» baş tälimçi Niko Kowaç bilen şertnamany 2029-njy ýylyň 30-njy iýunyna çenli uzaltdy.

Kowaç Dortmunda 2025-nji ýylyň ýanwarynda geldi. Ilkinji möwsüminde topary 11-nji orundan 4-nji orna çykardy we Çempionlar ligasyna alyp bardy.

Täze möwsüm hem gowy başlady. Bäş tapgyrdan soň «Borussiýanyň» 13 utugy bar we ol ikinji orunda. «Frayburg» diňe goşmaça görkezijiler boýunça öňde.

Klub onuň kömekçilerini hem saklady: Robert Kowaç we Filip Tapalowiç bilen hem täze şertnama baglaşyldy.

54 ýaşly horwat hünärmen kanagatlanmaga howlukmaýar: «Esasy zat gazanylan bilen oňmazlyk, her gün has gowy bolmak üçin işlemek», diýdi Kowaç.

Indiki synag 17-nji oktýabrda bolar: myhmançylykda Berliniň «Unionyna» garşy.

Bilýärsiňizmi? Kowaç «Borussiýa» gelmezden öň Horwatiýanyň ýygyndysynda, «Baýernde», «Aýntrahtda», «Monakoda» we «Wolfsburgda» işläpdi.

Çeşmeler: matchtv.ru; sports.ru